Bażi ġuridika

Qabel ma jipproċessaw id-data tal-individwi, l-organizzazzjonijiet iridu jidentifikaw bażi ġuridika skont il-GDPR. Il-GDPR jelenka sitt bażijiet legali li jistgħu jiġu invokati skont il-kuntest li fih isir dan l-ipproċessar: il-kunsens, l-eżekuzzjoni ta’ kuntratt, l-obbligu legali, l-interessi vitali ta’ individwu, l-interess pubbliku u l-interess leġittimu.

Il-GDPR jistabbilixxi wkoll kundizzjonijiet addizzjonali għall-ipproċessar ta’ kategoriji speċjali ta’ data: l-ipproċessar ta’ dawn it-tipi ta’ data, minħabba s-sensittività tagħhom, huwa ġeneralment ipprojbit ħlief f’każijiet speċifiċi.