Kooperazzjoni u infurzar

L-Awtoritajiet tal-Protezzjoni tad-Data (DPAs) jaħdmu flimkien biex jimmonitorjaw il-konformità mal-GDPR, inkluż permezz tal-mekkaniżmu ta’ kooperazzjoni għal każijiet transfruntiera. Huma jistgħu jimponu miżuri korrettivi (bħal ordnijiet jew multi amministrattivi) fuq organizzazzjonijiet li jonqsu milli jikkonformaw. L-EDPB joħroġ opinjonijiet u deċiżjonijiet vinkolanti fi ħdan il-mekkaniżmu ta’ konsistenza u ġeneralment jappoġġa l-infurzar effiċjenti tal-GDPR, billi jgħaqqad id-DPAs kollha, jiġbor flimkien l-għarfien espert u jippromwovi koordinazzjoni msaħħa.